AmigoShare - Fastest sharing platform on the earth!!

愛迪生 - 維基百科，自由嘅百科全書 愛迪生 出自維基百科，自由嘅百科全書 跳去: 定向, 搵嘢 愛迪生 愛迪生，全名湯馬士‧艾花‧愛迪生（Thomas Alva Edison，1847年2月11號—1931年10月18號）係美國嘅發明家；佢嘅發明不計其數，而其中一個偉大嘅發明，就係電燈膽。 目錄 1 出世及少年時代 1.1 每事問嘅愛迪生 1.2 媽媽嘅啟發 1.3 發明嘅第一步～實驗 1.4 做蔬果生意 1.5 報紙嘅日子 2 青年時代 2.1 年輕電報員嘅誕生 2.2 獨闖加拿大 2.3 流離浪蕩嘅日子 3 發明家嘅誕生 3.1 踏上發明之路 3.2 開合資公司及工廠 3.3 阿媽嘅死 3.4 第一任老婆 4 發明嘅路途 4.1 第一間研究所 4.2 電話發明爭奪戰 4.3 留聲唱機 4.4 電燈 4.5 第二任老婆 4.6 更多嘅發明同研究 5 晚年 6 生平小插曲 6.1 「舊大褸」 6.2 「可以閂制嘅機」 6.3 「冇嘢撈」 6.4 「唔聽好過」 6.5 「上帝也分神」 6.6 「時間、時間」 7 資料來源 [編輯] 出世及少年時代 湯瑪士．愛迪生出世時嘅屋企外貌。 愛迪生喺美國俄亥俄州（Ohio）米蘭鎮出世；爸爸係森姆．奧丹．愛迪生（Samuel Ogden Edison，1804–1896），之前喺加拿大搞飲食開飯店，後來因為加入革命軍而俾人通輯，於是走佬去咗美國米蘭鎮，轉搞木材生意；至於愛迪生嘅媽媽蘭茜．瑪菲斯．伊利沃（Nancy Matthews Elliott，1810–1871）喺加拿大做過小學教師，後來嫁咗之後就冇再教書，做個全職嘅住家婦人。而愛迪生就係佢哋嘅第七個仔。 [編輯] 每事問嘅愛迪生 四歲時嘅愛迪生 愛迪生細個時候啲人會叫佢做艾爾；佢個頭望落都幾大，而且成日都有好多問題去問啲大人，好似佢會問：「點解蘋果有紅色有綠色？」、「點解一加一會係二？」、「咁兩嚿泥加埋即係幾多？」、「點解蜜蜂嘅屋企同我屋企唔一樣？」、「點解人天生冇翼唔識飛？」……等一大堆好難答嘅問題，搞到啲大人好多時都口啞啞唔識答佢；當佢知道家禽要保溫嚟孵蛋，竟然傻到三更半夜一個人走入穀倉，坐喺堆禾草上面孵蛋，於是除咗佢父母之外，其他人都覺得佢個頭腦有問題。 佢覺得火呢樣嘢好神奇，於是有一次向老豆間木廠嘅工友問長問短，不過得唔到答案，於是自己暱埋喺貨倉嘅一角點火，想研究一吓火係點樣燃燒，點知一發不可收拾，差啲燒晒成個貨倉。 後來佢同屋企人喺1854年搬咗屋去密茲根州（Michigan）嘅波特蘭居住；第一次返學，佢就一直問嘢，問到個神父班主任發晒脾氣，卒之三個月後頂唔順向愛迪生嘅父母提出唔再教佢；好彩媽咪蘭茜曾經教過書，於是好嬲咁同學校講話要退學，決定自己做老師，教個仔學知識同埋畀佢自修...